Bueltako partidu sortari gaur emango dio hasiera Hernanik. Azkeneko partiduan, Cienciasen kontra 12 eta 17 irabazita, indarrez gainezka aterako dira Landareko zelaira gaur hernaniarrak, 15:30etan hasita, Santanderreko Independienteri aurre egiteko.
Hasiera borobiltzeko asmoz
Urteko azkeneko partidua izango du gaurkoa Hernanik, eta bueltako aurrenekoa.
Independiente ez da aurkari samurra, baina guztia emateko prest aterako dira etxeko mutilak zelaira. Azkeneko garaipenak lagundu egin zion Hernaniri sailkapenean gora egiten, eta bederatzigarren postuan dago, denboraldiko aurreneko faseko 11 partiduetatik 3 irabazi eta 8 galduta. Independiente, berriz, seigarren dijoa, 6 partidu irabazi eta 5 galduta. Hernaniarrek ez dute sekula etsitzen, ordea, eta gaur ere guztia emango dute, urtea ondo bukatu, eta bueltako fasea ondo hasteko.
Errugbi inklusiboa, bihar
Asteburuko azken zita bihar jarri dute, 10:00etan Landaren. Errugbi inklusiboa egingo da.