Irantzu Lekue artista garaikide gasteiztarrak instalazio artistiko bat sortuko du hilaren bukaeran, Gipuzkoako hainbat herritarren iritziak jaso ondoren.
Gaur hernaniarren iritziak, Donostia 2016 Kultura Hiriburutzaren ingurukoak, jasoko ditu, 11:00etatik 15:00etara Atsegindegin.
Mezuak, botilan
Gipuzkoako herritarren iritzia jasotzea da ekintza honen helburua, eta honekin itxiko da Kultura Hiriburutzaren barruko Energia Olatuak saila.
Gaurkoan, umeekin sorkuntza tailerra egingo da; lurrean marrazkiak egingo dituzte, eta bitarten, stand batean, herritarren iritziak jasoko dira. Bertaratu ezin dutenek, www.joanetorrian.com webgunean utzi ditzakete mezuak.
Ondoren, mezu horiekin, instalazio artistiko erraldoi bat eraikiko du artistak Donostiako Saguesen, hilaren 29an, eta bukatzeko, urtarrilean, GPS bidez jarraituko den botila batean itsasora botako da herritarrek osatutako mezua.