«Gabon zoriontsuak pasa denek, baina pasa gabe»

Jai zoriontsuak pasatzeko gon­bita luzate diete Jokalari Anonimoen Hernaniko Tal­deak eta Alkoholiko Anoni­mo­en Hernaniko Santa Bar­bara taldeak herritarrei.
Hala ere, ospakizun haue­tan «dirua xahutzeko joera» izaten dela diote, eta hori, «jokoari, apustuei, bingoari... lotutako menpekotasunekin erlazionatuta» egon daiteke­ela ohartarazi dute. Era be­rean, «gure gizartean ospa­kizunak alkoholari lotuta» egoten direla ere gogorarazi dute, eta garai hauetan «ne­ra­be asko edaten hasten» di­rela. Hori horrela, gon­bida­pena luzatu diete herritarrei «gabon zoriontsuak pasatze­ko, baina pasa gabe». Eta hain zuzen, menpekotasun hauek gainditzeko bi taldeek ematen duten laguntza zein den gogorarazi nahi izan dute.

Talde bakoitzak, ordutegia
Jokoari edota alkoholari men­pe­kotasuna, gai­xo­ta­suna di­re­la azpimarratu du­te bi elkarteek, eta nola la­gun­tzen duten ere azaldu dute.
Jokalari Anonimoen tal­de­ak urteko astearte guz­tie­tan terapia egiten du, eta os­te­gunetan informazioa eman. Era berean, hileko aurre­neko astearteetan se­ni­de­ei babes piskologikoa ematen diete. Bilera guztiak Sandiusterriko behealdean egiten dira, 19:00e­­tan. Harremanetan jar­tze­ko: 943 33 11 03 /ju­ga­do­res­a­no­nimosherna­ni@gmail.c­om.
Alkoholiko Anonimoak ere Sandiusterrin biltzen dira, baina astelehen eta os­ti­ra­le­tan, 19:30etan, eta oste­gu­ne­tan, 19:00etan, informazioa ematen dute. Harremanetan jartzeko: 943 33 11 03.

Udalak, Menpekotasunen Tokiko Plana
Menpekotasunen Tokiko Pla­na berritu duela jakinarazi du, bestalde, Udalak, 2015-2020 epealdirako, AGIPADen eta herriko era­gileen lagun­tzarekin. Hiru ekintza ditu ar­datz, planak: menpe­ko­ta­suna sor deza­ke­ten sus­tan­tzien eskaintza kon­trolatzea; kontsumoa gu­txitzea, pre­ben­tzioaren bidez; eta era­kundeen arteko koor­dinazioa zabaltzea.