Hondakin sistemaren aldaketa martxan da Astigarragan. Edukiontzi sistema jartzeko prozesuaren baitan, Udalak informazio bulegoa zabaldu duela jakinarazi du: «hiri hondakinak biltzeko sistema berriaren inguruko informazioa emango da bertan». Azaldu dutenez, informazio bulegoan, astigartarrek edukiontzien inguruan dituzten zalantzak argitu ahal izango dituzte.
Zabalik, astez
Informazio bulegoa asteartetik dago zabalik; astelehenetik ostiralera egongo da irekita, 08:00-14:00 ordutegian. Horrez gain, gerturatzeko aukerarik ez duten bizilagunentzat telefono bat jarri dute, informazio bulegoan egongo den langilearekin harremanetan jarri ahal izateko: 900 102 838.
Zerbitzua martxan, aurreko legegintzalditik
Udalak gogoratu du zerbitzu hau aurreko legegintzalditik dagoela martxan, atez atekoa jarri zenetik alegia: «gaurtik aurrera aldaketaren inguruan informatzeko balio izango du. Adibidez: zeintzuk diren epeak atez ateko ontziak entregatu nahi dituztenentzat, organiko eta errefusaren txartelen inguruko informazioa... Martxan egongo da sistema berriaren inplatazio prozesua bukatu arte.