Jostailuak, arroxak edo urdinak bakarrik ote?

Gabonak gainean ditugula-eta, Hernaniko Hezkuntza Pla­taformak Hezkuntza Es­ko­la saio berezia prestatu du gaur­ko; 19:00etan hasita, uda­le­txeko areto nagusian, jos­tai­lu­en inguruan ariko dira: Arroxa ala urdina, jostailuek ba al dute sexurik?

Hezkuntza prozesuan garrantzitsuak, jostailuak
Haurrek jolasaren bitartez ikas­ten dute, eta, hain zuzen, horrexegatik, garrantzitsua da jostailu egokiak auke­ra­tzea, Hezkuntza Plataformak azal­du duenaren arabera.
«Haurren hezkuntza pro­ze­suan, bitarteko naturala da­ jolasa. Honen bidez sozializa­tzen ikasten da, eta baita nor­banako izae­ra osatzen eta taldean ari­tzen ere. Jolasean, jostailuak erabiltzen dira, eta, beraz, garrantzia berezia hartzen dute ikaskuntza prozesuan».
Horrexegatik, gaurko saio­an gurasoei hainbat giltza eman­go zaizkie, haurren­tza­ko jostailu egokiak aukera­tzen laguntzeko. 

Jostailuak nola aukeratu, zein galdera planteatu eta zer izan kontuan aztertuko da gaurko saioan.

Sexuaren araberako bereizketari, ihes
Gabon garaian jostailu asko jasotzen dituzte umeek, opari. Gainera, publizitate gehiago jasotzen dute, eta honetan, askotan, «kolore arroxa eta urdinaren presentzia area­go­tu, eta jostailuen era­bilera nes­ka edo mutilen araber­akoa izaten da». 
Horregatik, jostailu ego­ki­ak aukeratzea «gurasoen­tzat erronka» bihurtzen dela dio Hezkuntza Plataformak. «Jostailuek berez sexurik izan ez arren, beren erabilera askotan sexu bati ala besteari esleitzen zaio». Beraz, horri aurre egiteko zein galdera egin azalduko zaie gurasoei.