Gabon kontzertua bihar Elizan, Kantuz eta herriko abesbatzekin

Urteroko ohitura onei hutsik ez egiteko, aurten ere Ga­bo­ne­ta­ko kontzertu berezia anto­la­tu du Kantuz abesbatzak, he­rri­ko abesbatzen laguntza­rekin.
Bihar iluntzeko 20:00etan izango da, San Joan Bataia­tzai­lea parroki elizan.

Sei abesbatza, hamabi kantu
Kontzertua Kantuzek anto­latzen badu ere, ez da bakarrik arituko. Herriko beste bost abesbatza ere ariko dira kantuan: San Joan Parrokikoa, Juan Jose Arreguik zuzendua; Musika Eskolako gaztetxoen abesbatza eta Dakapo abes­batza, Garbiñe Orbegozoren zuzendaritzapean; Goiz Eguzki abesbatza, Javier Zubimendik gidatuta; eta Ozenki abes­ba­tza, Imanol Kamioren esane­tara. Kantuz abesbatza, ohi bezala, Igor Arroyok zuzen­duko du.
Abesbatza bakoitzak bina abesti interpretatuko ditu; guz­tiak, Gabon girokoak: Na­vi­dad sin pandereta, Minuit chrétiens, Eguberri on!, Egu­berri Eguberri-Goazen guztiok; Abestu dazaiogun; Halle, Hallelujah; Gaua argitu da; Oi Bethleem; Alai goazen kantari; Svetilen; Brijina Maite; eta Fum fum fum.

Asteburuan, Gabonetako beste bi emanaldi
Biharkoaz gain, Gabonetako kontzertu gehiago ere izango dira datozen egunetan.
Larunbatean bertan, Ozen­ki eta Goizuetako Umore Ona abes­batzak emango dute kon­tzertua, Musika Bandarekin batean, 20:00etan elizan, baita ere. Igandean, berriz, Goizu­etan ariko dira Umore Ona eta Ozen­ki, Getariko Bandarekin eta Doinu Zaleko akordeoiekin.