Gaueko komiki dendak familientzako tailerra antolatu du gaur, arratsaldeko 19:30etan Lizeaga kalean daukan dendan. Helburua da 6 urtetik gorako haurrak dauzkaten guraso eta familiei hainbat mahai-jolas aurkeztu eta erabiltzen erakustea.
Bang!, Dixit, Catan eta gehiago
Etxean, familian jolasteko aproposak diren jolasak aurkeztuko dira gaurko tailerrean; besteak beste, Bang!, Dixit, Cascassone edota Catan ezaguna.
Tailerrean parte hartzeko aurretik izena eman behar zen, eta debalde izango da. Parte hartzen dutenek, gainera, %5eko deskontua izango dute mahai-jolasetan, Gabonetako erosketak egin ahal izateko.
20 euroko bonoarekin, 30 euroko gastua
Bestalde, Gaueko komiki dendak jakinarazi du bertan erosi daitezkeela Aldundiak sustatu dituen kultura bonoak. «Oraindik ere gure herrian guztiz onartua ez dagoen arren, komikiak ere kultura dira». Hauei esker, 20 eurorekin 30 eurora arteko gastua egin ahal izango da komikitan.
Mahai-futbol txapelketa, aurrera
Era berean, martxan jarraitzen du I. Gaueko mahai-futbol txapelketak. Zazpi partidu falta dira txapelketa bukatzeko, eta parte-hartzaileen arteko tartea txikitzen ari da; Jon dijoa aurrena, 15 punturekin, eta atzetik dijoaz, Pir (9), And (9), Otx (3) eta Kin (3). Irabazleak Gaueko-ko produktu sorta irabaziko du.