Urrezko ordu laurdena, La Cartujan

Partidu osoko borroka eta lanari, ordu laurden batean eman zion saria Hernanik, atzo, Sevillako La Cartuja zela­ian. Bigarren zatiaren hasie­ran ezinhobeto aritu ziren trikolo­reak, eta horri esker nagusitu ziren Cienciasen kontra (12-17). Garaipen honekin, berdindu egin dute talde andaluziarra, sailkapeneko 9garren postuan.
Aurreneko zatian, akatsak izan ziren protagonista, bi tal­deen aldetik; partiduaren ga­rrantziak eraginda, behar­ba­da. Hernaniren zelaian jokatu zi­ren minutu gehien, eta ho­rre­la, bere entsaioa lortu zuen Cien­ciasek, 22garren minutuan.
Baina tri­koloreek ere izan zituzten bere aukerak, eta bai­ta entsaioa oso gertu izan ere. Azkeneko metroetan, ordea, ez ziren be­har bezain fin ibili bi tal­deak, eta baloia galdu zu­ten, aukerak aprobetxatu ezinik. Gauzak horrela, marka­gai­luak oso tanto gutxi zeuzkan atse­denaldian (7-0).

Bikain trikoloreak, atsedenetik bueltan
Oso desberdin hasi zen biga­rren zatia, eta nagusi izan zen Hernani, nabarmen. Nagusi­ta­sun hori, gainera, puntutan bihurtzea lortu zuen. Maul eta ostikoekin asmatuta, ordu laurden pasatxotan 17 puntu lortu zituzten trikoloreek.
Aurreneko jokaldian, en­tsa­ioa lortu zuen Jon Insaustik, maul bati esker, eta partidua berdindu Anartz Elosegik, tran­sfor­ma­zioarekin. Gero, zi­gor kolpea lortu zuen Elo­se­gik berak. Eta 16garren minutuan, baloia lapurtu eta entsaioa egin zuen Igor Etxeberriak, zutoinen artetik (7-17).
Eta hortik aurrera, eutsi eta eutsi egin behar izan zuen Hernanik, garaipena ekartze­ko. Erasora jo zuen Cienciasek, beharrak hala eskatuta, eta en­tsaio bat ere lortu zuen, 28garren minutuan, 12-17 jar­tzeko. Baina hori izango zen azkenekoa. Sevillarren eten­ga­beko erasoei, kostata baina ondo eutsi zieten trikoloreek, eta ederki sufritutako azken minutuak pasata, saria bera­iena zen. Lau puntuak poltsi­ko­ra, eta bederatzigarren pos­tu­an bukatu dute, ligako au­rreneko itzulia.