Hernaniko 13 txoko edo une kuttunek osatuko dute, 2017ko Udal Egutegia, eta bihar bertan aurkeztuko dute, Biteri kultur etxean, arratsaldeko 18:00etan. Nolakoa den ikusi nahi? Gerturatu, herritar guztiei irekia da eta!
Gainera, aurten protagonismo berezia daukate herritarrek, Udal Egutegian. Aurreneko aldiz, lehiaketa egin dute, egutegiko argazkiak aukeratzeko, eta 13 herritarrenak aukeratu dituzte: hilabete bakoitzeko bat, eta portadakoa.
6.000 ale banatuko dituzte; aurrenekoak, gaur
Guztira, egutegiaren 6.000 ale banatuko dituzte aurten, «herritarren lanek ahalik eta zabalkunde haundiena izan dezaten».
Eta aurreneko aleak, gaur bertan banatuko dituzte: Biterira gerturatzen diren guztiek jasoko dute berea. Eta gainerakoek, gaurtik aurrera eskatu dezakete, udaletxean.