Opor eta jaiegunetarako, ikasgela berria prest Gabriel Zelaian

Ikasgela berria jarri du Uda­lak Gabriel Zelaian, opor ga­ra­ian, asteburuetan eta jaie­gunetan zabalik egongo dena. Dato­rren larunbatean zabal­du­ko dute aurrenekoz, aben­duaren 17an.
Egun berezi horietan, nor­malean beste ikasgelak itxita egoten direnean, egongo da zabalik, goizeko 08:00etatik gaueko 21:45etara, egun guz­tian zehar.
Ikasgela hori, Gaztetu Her­nani pro­zesuko eskaeretako bat izan da, eta gazte kon­tsei­luak bultzatu du proiektua. Beraiek detektatu zuten beha­r hori, eta Udalari planteatu zio­­ten; eta baita erabilera ikas­­ge­laren erabilera arauak ere. 
Baimen txartela egitea eta 16 urte izatea, erabiltzeko baldintza bakarrak
Ikasgela hori, nahi duten gaz­te guztiek erabili ahal izango dute. Hori bai, 16 urte beteta eduki beharko dituzte, eta sartzeko, baimen txartela edu­ki beharko dute. Txartela lortzeko, nahikoa da emaila idaztea gazteria@hernani.eus helbidera, eta norberaren da­tuak ematea. Gero, Biterin jasoko dute txartela, 5 euroko fidantza utzita.
Gabriel Zelaiako atzeko eraikinean dago kokatuta ikas­gela berria. Asmoa da, ikas­ge­la horrek modu auto­no­moan funtzionatzea, he­mendik aurrera.