Binakako Txapelketari hasiera bikaina eman dio Aimar Olaizolak, Alvaro Untoriarekin batean. Dagoeneko bi partidu jokatu dituzte, eta biak irabazi; aurrenekoa, lehengo larunbatean, Bengoetxea VI eta Larunberen kontra, 22-16, eta bigarrena, ostegunean, Elezkano II eta Zabaletaren kontra, 22-19. Aste honetakoa jokatuta, datorren astean izanen dute hurrengo zita; hilaren 18an, Bilbon, Urrutikoetxea eta Beroizen kontra.