Urumea bailarako ekintzak jasoko dituen agenda bateratua jarri zuten martxan aurreko astean Kronikak eta Natza elkarteak. Ideia da Urumea bailarako herrietan ekintzak antolatzen dituzten talde eta norbanakoek beraien ekitaldiekin agenda elikatzen joatea.
Horretarako, sistema erraz bat diseinatu dute Kronikak eta Natzak elkarlanean, eta lan horren emaitza eta funtzionamendua azaltzeko, bilera-ikastaro bat deitu dute astelehenerako. Kultur etxean jarri dute zita, 18:00etan. Eta herriko elkarte, talde eta norbanakoak gonbidatu nahi dituzte, bertaratzera.