Aurreko astean beraiek aritu ziren kantuan, karaokearekin; eta gaur, kantautoreak ekarriko dituzte Kontrakantxa gaztetxera. Gaueko 22:30etatik aurrera izango da hori, eta jan-edana ere izango da: pintxopotea egingo dute, kantautoreen abestiekin gozatu bitartean.
Kontrakantxaren 10garren urteurrena ospatzeko ekintzetan, bigarrena izango da gaurkoa, eta besterik ere prestatu dute, datozen egunetarako.
Historiaren argazkiak eta bertsolariak, gaur zortzi
Datorren ostiralean izango da hurrengo zita, eta iluntzeko 20:00etatik aurrera, ikusgai egongo dira gaztetxearen historiaren argazkiak. Gainera, bertsolariak ere egongo dira, eta pintxoak dastatzeko aukera izango da.
Abenduak 17: egun nagusia
Baina ospakizun nagusia, datorren larunbatekoa izango da. Goizean, hitzaldia eta merkataritza alternatiboa izango dira; gero, bazkaria egingo dute, eta elektrotxaranga izango da arratsaldean. Eta bukatzeko, Egiaz itsuturik, Zaparra eta The Frankys taldeen kontzertuak gauean.
Bazkarirako sarrerak, dagoeneko salgai daude, Aker, Garin eta Goiz Argi tabernetan.