VRACek ez zuen gupidarik izan Landaren

Aurrealdean dituen bajak na­baritzen hasia da Hernani. Ligako oilarretako baten bisita jaso zuen atzo Landaren: VRAC. Valladolideko taldeak ez zuen gupidarik izan triko­lo­re­en zelaian, eta garaipena ba­karrik ez, erakustaldia emateko gogoz etorri ziren Landarera.
Hernanik gaizki hasi zuen partidua, eta aurreneko minu­tu­rako 0-5 aurretik zen VRAC, Abrilek 60 metro baino gehia­goko lasterketa bakar bakarrik egin ostean. Kennethek gau­za­tu zuen jokaldia: 0-7. Erre­ak­zionatzeko denborarik eman gabe, VRACek partiduko biga­rren entsaioa egin zuen: Ken­ne­hek egin zuen eta 0-12 jarri ziren aurretik markagailuan. Partidua aldapan gora jarri bazitzaion ere, Hernani saiatu zen lasaitzen, defentsan neu­rria hartzen... ez zuen ordea arris­kurik sortzea lortu. Aurreneko zatia bukatzeko bost minuturen faltan, partiduko bigarren en­tsaioa egin zuen Abrilek, eta 0-17ko aldearekin joan ziren des­kantsura.
Bigarren zatian, lau minutu besterik ez zituen behar izan  VRAC­ek entsaioen festarekin jarraitzeko. Kasu honetan Alon­sok egin zuen: 0-22. Hernanik ez zuen amore eman, eta hainbat eraso kateatu ostean etorri zen Iñaki Otxotorenaren entsaioa: 5-22. Anartz Elosegik gauzatu zuen: 7-22. Handik aurrera, VRAC taldearena izan zen jokoa, eta baita entsaio sorta ere; beste hiru egin zituzten Alonso, Mialei eta Castiglionik; eta horietako bi gauzatu zituen Alfeldek. 7-41 bukatu zen partidua.  
Cienciasen zelaian joka­tu­ko du Hernanik, datorren igandeko partidua. Bajaren bat erre­kuperatzea klabea izango da, irabazteko.