Hasiera bikaina eman diote goizuetarrek, txapelketari

Etxean jokatzeak mesede eginen die, agian. Au­rre­ko astean hasi zen Goi­zuetako I. Umore Ona Pilota Txapelketa, eta he­rriko pilotariak ederki ibili ziren. Guztira 12 partidu jokatu ziren, umeen, kimuen eta gazteen mailan; horietako sei jokatu zituzten goizuetarrek, eta horietatik 5 irabazi zituzten.
Aste honetan ere, bes­te horrenbeste egiteko prest dira etxekoak.

Txapelketa, ostegunetik igandera
Aste honetan, jaiegunak tarteko, egun gehiagotan ari dira jokatzen, txapelketako bigarren jardunaldiko partiduak.
Aurrenekoak herenegun jokatu ziren, gazteen  mai­lan; Añorga eta Ber­ga­rako bikotea, Arbi­zu­ko­aren kontra. Atzo, be­rriz, kimuen mailako bi partidu zituzten Umore Onakoek, Leitzaren kontra bata, eta Hernaniren kontra bestea; eta gazteen mailan, Erreka eta Arbizu izan ziren aurrez aurre. Hurrengo partiduak gaur eta bihar izanen dira.
Gaur, 17:00etan hasita, lau partidu izanen dira herrian, eta aurrenekoan jokatuko dute goizuetarrek: Salaberria-Salaberria, Oreretakoen kontra.
Bihar, berriz, 11:00e­tan hasita, beste hiru partidu jokatuko dira. Bigarrenean ariko dira umeen mailako Apeze­txea eta Iturain, Añor­ga­koen kontra, eta hirugarrenenean, kimuetan, Sa­laberriak Errekako Ages­tarekin jokatuko du, oiartzuarren kontra.

Nafarroako Kirol Jokuen Txapelketan ere, punta-puntan
Baina etxean bakarrik ez. Etxetik kanpoko txapelketetan ere fin asko dabiltza goizuetarrak.
Nafarroako Kirol Jo­kuen Txapelketan, esaterako, finalerdiak joka­tzekoak zituzten atzo Aiz­korbe eta Apezetxea gazteek, Oberenako Ya­niz eta Santamariaren kontra.
Gaur, berriz, 09:30e­tan Iruñeako Labriten fi­na­la jokatuko dute Beñat Ape­zetxea eta Oihan Etxe­berria kimuek, Obe­re­nakoen kontra. Guz­ti­ak punta-punta dabiltzala ezin uka.

ASTEBURUKO PARTIDUAK

Goizuetako I.Umore Ona Pilota Txapelketa 

- Gaur, 17:00etan:
Umeak:

•  Salaberria-Salaberria (Umore Ona)/Bicente-Aranburu (Orereta).
•  Dorronsoro-Sagastibeltza (Leitza)/Sesen-Susperregi (Oiartzun).

Kimuak:

• Zelarain-Landa (Oiartzun)/Txintxurreta-Iturbe (Hernani).

Gazteak:

• Egiguren (Azpeitia)-Oliden (Añorga)/Sein-Etxeberria (Oiartzun).

- Bihar, 11:00etan:
Umeak:

• Goikoetxea-Azpeitia (Hernani)/Eskudero-Legorburu (Oiartzun).
• Estebez-Olaizola (Añorga)/Apezetxea-Iturain (Umore Ona).

Kimuak:

• Salaberria (Umore Ona)-Agesta (Erreka)/Lopez-Zabaleta (Oiartzun)

Nafarroako Kirol Jokuen Txapelketako finala

- Gaur, 09:30etan, Labriten:

• Oberena A/Beñat Apezetxea-Oihan Etxeberria (Umore Ona)

Goizuetako I.Umore Ona Pilota Txapelketa Aurreko asteburuko emaitzak 

Umeak:

• Salaberria (Umore Ona)-Agesta (Erreka) 18-3 Elizazu-Zubeldia (Añorga).
• Apezetxea-Iturain (Umore Ona) 17-18 Dorronsoro-Sagastibeltza (Leitza).
• Goikoetxea-Azpeitia (Hernani) 18-5 Bicente-Aranburu (Orereta).
• Salaberria-Salaberria (Umore Ona) 18-9 Eskudero-Legorburu (Oiartzun).
• Sesen-Susperregi (Oiartzun) 18-3 Estebez-Olaizola (Añorga).

Kimuak:

• Mateorena-Biurrena (Leitza) 13-18 Zelaiaran-Landa (Oiartzun).
• Legarreta-Apezetxea (Umore Ona) 18-10 Txintxurreta-Iturbe (Hernani).
• Lopez-Zabaleta (Oiartzun) 12-18 Elizegi-Etxeberria (Umore Ona).

Gazteak:

• Orbegozo (Añorga)-Gartzia (Bergara) 22-0 Txoperena-Alduntzin (Leitza).
• Egiguren (Azpeitia)-Oliden (Añorga) 13-22 Telletxea-Mariazkerrunea (Erreka).
• Petriati-Lazkoz (Arbizu) 9-22 Sein-Etxeberria (Oiartzun).
• Olaetxea-Goikoetxea (Arbizu) 11-22 Aizkorbe-Apezetxea (Umore Ona)