Bihar izango du final haundia, Xenpelar Sariaren 23garren edizioak. Errenteriako Niessen kulturgunean jokatuko da, arratsaldeko 17:00etan hasita.
Eta hernaniarrik ez da faltako, zita nagusian ere. Bertan egongo dira herriko bi bertsolari gazte: Eli Pagola eta Beñat Mujika. Ondoan izango dituzte beste lau bertsolari: Gemma Urteaga beasaindarra, Maialen Akizu urretxuarra, Aratz Igartzabal gabiriarra, eta Aitor Servier azkaindarra.
Finala ikusteko sarrerak, 5 euroan egongo dira salgai; 16 urtetik beherakoek, doan.