Laguntza Aiorarentzat kanpaina jarri dute martxan, herrialde ezberdinetan; plastikozko tapoiak biltzeko kanpaina da, eta Goizuetan ere jasoko dituzte tapoiak, zortzi tokitan: Eskola, Bekodenda, Kafetegia, Estankoa, Lubine, Udaletxea, Ximonen harategia eta Klaudioren etxea.
Kanpaina honekin, Lizarrako hiru urteko neskatxa bati lagundu nahi diote, Aiorari. Jaiotzetik dauzka bihotzeko arazoak, eta udazkenean, ebakuntza egin zioten, bere egoera hobetzeko. Zailtasunak izan ziren, ordea, eta garun paralisiarekin geratu da.
Horregatik, errehabilitazio terapia hobeagoa jaso dezan abiatu dute kanpaina; bere bizi kalitatea hobetzeko eta bere garuneko mina arindu ahal izateko.