Binakako Erremonte Txapelketa sartu da azken fasean. Gaur eta hilaren 10ean jokatuko dira finalerdiak, 16:00etan hasita Hernaniko Galarretako frontoian, eta bertan izanen da Aritz Zubiri goizuetarra, Urrizarekin bikotea osatuta; joanekoa jokatuko dute gaur, eta bueltakoa, gaur zortzi. Finala, berriz, hilaren 17an.
Berdinduta, aurreneko hiruak
Ostegunean jokatu zuen atzelari goizuetarrak ligaxkako azken partidua, eta diferentzia txikienari esker lortu zuen garaipena: 39-40, Ezkurra-Etxeberria IIIren kontra. Horrela, finalaurrekoak ere lehia biziarekin hasiko dira.
Izan ere, berdinketa izan da aurreneko hiru bikote sailkatuen artean; hamabina punturekin sailkatu dira, hurrenez hurren, Uterga-Endika, Urriza-Zubiri eta Ezkurra II-Ion. Tanteoak erabaki du sailkapena. Zortzi punturekin, laugarren postuan sailkatu dira Ezkurra eta Etxeberria III. Urriza eta Zubirik, Ezkurra II eta Ion izanen dituzte aurkari.