Martuteneko kartzelara eramateko, material bilketa jarri dute martxan, Astigarragan, Hernanin eta Urnietan. Abenduaren 19ra arte izango da Gabonetako kanpaina, eta astean bi egunetan eman ahal izango da materiala: astelehenetan, parrokiko bulegoan, arratsaldeko 19:00etatik 20:00etara; eta igandeetan, goizeko 10:30etako mezaren ondoren, parrokian bertan.
Barruko arropa eta oinetakoak
Honakoa da gehien behar duten materiala: barruko arropa berria (gizon eta emakumeentzako), bainuko oinetakoak (41-44 tallakoak), kirol oinetakoak (gizonentzat 41-44 eta emakumeentzat 37-40 tallak), galtzerdiak, azkazalak moztekoa, eta turroi biguna.
Eraman daitezke, baita ere, tabakoa, metxeroak, gutun azalak eta zigiluak.