Aurreko asteburuan Amurrio menderatu ondoren, Txukun Lakua izango du bigarren harria Hernanik, Euskal Herriko Kluben arteko Txapelketa Nazionalean. Zumarragan jokatuko dute, gaur 11:00etan hasita, eta maila haundiko kanporaketa espero da.
Paul Ojuel ariko da lau t’erdian, Markel Lizeaga buruz buru, eta Ioritz Arrietak eta Eneko Aizpitartek osatuko dute bikotea, hirugarren eta azken partidua jokatzeko.
Hasiera batean, binaka faborito da Hernani, buruz buru Txukun Lakua, eta oso parekatua dago lehia, lau t’erdikoan. Edozer gerta daiteke, horrelako pelotariekin!