Inmakulada Ikastetxean ere lanean ari dira euskeraren normalkuntzaren alde: «pausuak ematen ari gara, eta horregatik, urtero bezala, Euskeraren Nazioarteko Eguna ospatuko dugu gaur, eguna bihar baita».
Ekitaldiak egun osoan zehar izango dira. Egunari hasiera emateko, ikasgela bakoitzak euskeraren aldeko lelo bat oinarri hartu, eta mural bat sortu beharko du. Ondoren, guztiekin lehiaketa eta erakusketa antolatu dute. Goizaren bigarren zatian berriz, Ene Kantakeko dantzekin gozatuko dute batzuek; eta DBHko ikasleek, herri kirolekin eta altxorraren bila jolasarekin. Arratsaldean berriz, zine foruma antolatu dute euskeraz, eta aurpegiak ere margotuko dituzte, Euskeraren Eguna borobiltzeko intentzioarekin.