Hamargarren urteurrena ospatzeko nahikoa motibo badu Kontrakantxa Gaztetxeak, eta asmo horrekin hainbat ekitaldi antolatu dituzte datozen egunetan. Gaur izango da aurrenekoa, ospakizunen abiapuntua: karaokea antolatu dute Gaztetxean, 22:30etan; gainera gaztetxearen urteurrenerako propio egindako Garagardo artisaua egongo da aukeran. Ondo pasa eta barre pixka bat egiteko gogoa duten herritarrei egin diete deia.
Datorren ostiralean izango du segida, festak: kantautoreak eta pintxopotea izango dira Gaztetxean.
Hilaren 16an berriz, argazki erakusketa antolatu dute: Gaztetxearen historia laburbiltzen duen bildumarekin osatu dute erakusketa; bertsolariak eta pintxoak ere, izango dira.
Festa, hilaren 17an
Egun haundirako fetxa ere, zehaztu dute, dagoeneko: abenduaren 17a, larunbata. Merkataritza alternatiboa, bazkaria eta kontzertuak izango dira egun honetarako plana. Tiketak salgai daude Garin eta Akerren.