Gipuzkoako Foru Aldundiak antolatuta, gizartearen zaharkitzeak izan ditzaken arrisku eta aukerak aztertuko dituzte ostiralean Orona Fundazioan. Gaia zehaztu dute: Zaharkitzearen balio soziala. Bizitza luzeraren iraultza: arriskuak eta aukerak. Goizeko 09:30etatik arratsaldeko 17:30etara izango da jardunaldia, eta lekua mugatua denez, aurrez izena eman behar da www.eusko-ikaskuntza.org orrian. Gogoratu dute, parte hartu ahal izateko, izena eman duenak antolakuntzaren baieztapen mezua jaso beharko duela.
Antolatzaileek azaldu moduan, datozen urteetan populazioaren zaharkitzea nabarmena izango da, bereziki Gipuzkoan: «zaharkitzea hainbestekoa izango da, biharko gizartea ez dela jasangarria izango. Bideak aurkitu behar ditugu gure gizarteak putz egin ez dezan. Zaharkitze aktiboa bide horietako bat da gure iritziz».