Auzo Udalak dei egin du gaur, 10:30etan hasita, auzo batzarra biltzeko, Ereñotzuko Kultur Etxean.
Asmoa da «iaz gauzatutako eta aurten egin asmo diren hainbat proiekturen berri» ematea.
Errepideak, argia edota eskola, proiektu berriak
Bost puntuko gai zerrenda zehaztu dute, gaurko. Hasteko 2016ko diru kontuak eta gauzatu diren jarduera nagusien azalpena emango dute, eta 2017ko aurrekontua aztertuko da segidan.
Ondoren, 2017rako egitasmoak aztertuko dira: errepideak egokitzea, argiteria hobetzea, Fagollagako zentrala, eskolako lanak, bola tokia, Epeleko etxola... Ola Auzo Elkartearen urteko jarduerak ere aztertuko dira, eta galdera eta erantzunen tartearekin bukatuko da bilera.