«Ez dezagun aterkia itxi; jarraitu euskerari eusten»

Sei asteko erronkaren parte izan dira 1.800dik gora hernani­ar: euskerari eutsi diote. Atzo izan zen Biterin itxiera ekitaldia, eta egun hauetan parte har­tu­tako asko gerturatu ziren b­alorazioa entzuteko gogoz. Bideo proiekzioarekin hasi zen ekitaldia: bertan bildu zituzten sei aste hauetan izandako ekitaldiak eta hainbat partehartzaileren b­a­lo­razioak. Zuzenean ere, bideoa bukatuta, animatu zi­ren erronkaren parte izan di­ren bost lagun edo talde, bizitutakoa kontatzera. Bat zetozen guztiak es­perientzia aberasgarria izan zela azpimarratzean. Erderara jotzeko duten erraztasunaz kontura­tzeko balio izan diela ere aipatu zuten batzuk; eta erronka hau hasiera besterik ez zela ai­patu zuten guztiek. Bide horretatik ja­rraitu zuten hain zuzen, antola­tzaileek bukaeran: «oso pozik gaude. Ahalegina eginda ikusi da posible dela euskeraz bi­zitzea. Zergatik ez hasi beste erro­nka bat? Ez dezagun aterkia itxi, jarraitu euskerari eusten».