Gerra garaian aske bizi nahi zuten emakumeen historia biltzen duen dokumentala, gaur

Irailean 80 urte bete ziren indar faxistak Hernanin sartu zirela. Honen bueltan, eta orain hamar urte hasitako bideari segida emanez, Bide bazterretan bila 1936-2016 Oroi­­mena proiektatuz jardu­nal­diak antolatu dituzte. Lau egunetako programazioa an­to­­latu dute: igandean, oroi­me­na etorkizunaren giltza dela go­goratuko duen murala mar­gotu zuten, musikak, gaztain erreak eta sagardoak lagun­duta. Gaurtik ostegunera bi­tar­tean berriz, hiru doku­men­tal proiektatuko dituzte Bi­terin, 19:00etan hasita; be­r­ta­ratzen direnek gainera, do­kumental bakoitzaren zuzen­dariarekin hitz egiteko aukera izango dute.

‘Indomables. Una historia de mujeres libres’ gaur
Juan Felipek zuzendutako do­ku­mentala ikusteko aukera izango dute gaur, Biterira ger­turatzen direnek: Indomables. Una historia de mujeres libres. Hasiera ekitaldia herriko ber­tsolariek egingo dute, eta on­doren solasaldia izango da Juan Fe­lipe zuzendaria eta Idoia Eizmendi femi­nis­tare­kin.
Dokumentalean kontatzen   da 20 mila afiliatu izatera iritsi den Mujeres libres era­kun­­de li­­bertarioaren eta fe­mi­nis­ta­ren historia. Erakunde ho­­nen helburua zen emaku­me­z­koak  ezjakintasunaren mo­­­rron­­­tza krudeletik euren ka­buz as­ka­tzea: «emakume haiek egin­da­ko lana se­ku­la­koa izan zen, na­hiz eta g­izo­nezkoek indiferen­tzia era­kutsi». 1936ko maia­tze­an izen bereko al­diz­karia argitaratu zuten, eta au­rre­neko ale ho­rretatik, erakun­de­ak distira hartu zuen. Ur­tebetera, 1937an egin zen Mu­jeres Libres era­kun­deko Na­zio Federa­kun­tzaren Le­hen Es­tatu Kon­gre­sua: «lan hori guz­tia gerra zibil­aren gara­ian egitea ez zen lan erraza izan;  ga­raipen fran­­kistaren ondorioei egin behar izan zieten aurre, besteak beste. Hala ere, his­toriatik baztertu arren, lan itzela eta bakarra» izan zela goraipatu dute antolatzaileek.

Bi dokumental, bihar eta etzi
Dokumental proiekzioek se­gida izango dute bihar eta etzi. Ijito oroimena dokumentala proiektatuko dute bihar David Gimenezekin, AGIFUGI elkar­teko kidearekin eta David Mart­in historialariarekin.
Ostegunean berriz, Ze­rrauts ogia gose garaiko grebak dokumentala jarriko dute. Xabi Ibarzabal Esnaolak aur­keztuko du eta ostean, Patxi Egilaz zuzendariarekin hitz egiteko aukera izango da.