Sei jardunaldi jokatu ondoren, gaurko azkeneko jardunaldian jakingo da aurtengo Hernaniko Xake Txapelketako irabazlearen izena. Arratsaldeko 16:00etan hasiko da jardunaldi erabakigarria, eta ondoren, 18:30ak aldera, banatuko dituzte sariak.
Aukera haundiak, Erik Juez liderrak
Azkeneko jardunaldien ondoren, Erik Juezek jarraitzen du txapelketako lider, eta Mikel Zubiaren aurkako berdinketa besterik ez du behar txapelketako txapeldun bilakatzeko. Zubiak irabazten badu, ordea, hiru jokalariren arteko berdinketa gertatu daiteke: Juez, Zubia eta Pinilla eta Mansoren arteko norgehiagokaren irabazlearen artean, hain zuzen. Kasu horretan, berdinketa hausteko irizpideen arabera erabakiko litzake txapelduna.
Hernanin ere, lehia interesgarria
Hernaniko txapelduna nor izango den ere, kolokan dago. Oxan Altuna eta Magi Ijurkoren arteko partidan, 5garren eta 6garren sailkatuen artekoan, erabakiko da hori.
Julen Martin, txapelduna haurren kategorian
Haurren txapelketa, aldiz, aurreko asteburuan bukatu zen. Julen Martin izan zen txapelduna, Ekaitz Loiarte bigarrena eta Jon Sagarna, hirugarrena. Gaurkoan, txapelketa azkarra jokatuko dute txikienek. Irekia izango da, eta arratsaldeko 15:45etan itxiko da izenematea.