«Oroimena etorkizunaren giltza» dela gogoratzeko, murala egingo dute Tilosetan

Gaur emango diote hasiera  Bide bazterretan bila (1936-2016). Oroimena proiektatuz jardunaldiei, indar faxistak Hernanin sartu zirela 80 urte bete diren urte honetan. 
Tilosetan jarri dute zita arratsaldeko 17:00e­tan, eta bertan, mural bat mar­gotuko dute, antolatzaileek azaldu du­tenez, «oroimena etorki­zu­na­ren giltza dela» gogoratuko duena. Murala margotzen du­ten bitartean, musika izango da zuzenean, baita gaztain erreak eta ur­teko sagardoa dastatzeko au­kera ere. 

Hiru dokumental, datorren astean
Gaurko hasiera ludikoaren ondoren, hiru dokumentalen proiekzioa izango da datorren astean, Biterin. 
Juan Felipek zuzendutako Indomables. Una historia de mujeres libres jarriko dute aste­artean. Aurreneko saioa denez, herriko bertsolarien ema­naldiarekin egingo dute hasiera ekitaldia, eta proiek­zio­aren ondoren, solasaldia izan­go da zuzendariarekin be­ra­rekin eta Idoia Eizmendi fe­ministarekin.
Asteazkenean, Ijito oroi­me­na. Memoria gitana. Guerra Civil y dictadura en EH do­ku­mentala jarriko dute, eta Da­vid Gimenez AGIFUGI elkarte­ko kidea eta David Martin  historialariarekin hitz egiteko tartea izango da, jarraian.
Eta bukatzeko, ostegunean, Zerrauts ogia. Gose garaiko gre­­bak dokumentala ikusi ahal izango da, Xabier Ibar­zabal Esnaolak Hernaniko bon­­­bardaketari buruzko azal­pe­nak entzun ondoren. Kasu honetan ere, solasaldia izango da bu­ka­eran, Patxi Egilaz do­ku­men­ta­laren zuzenda­riare­kin. 
Hiru saioak Biterin izango dira, arratsaldeko 19:00etan hasita.