Atzo bete zituen 20 urte espetxean, Juan Luis Agirre Lete astigartarrak, eta lagunek giza-katerako deia egin dute gaur, 12:30etan Joseba Barandiaran plazatik abiatuta.
Horrez gain, postalak jarri dituzte eskuragarri, astigartarrari idazteko animatzeko deia luzatzearekin batera.
Agirre Zaragozako Zuerako espetxean dago orain, baina Frantzia eta Espainiako beste hainbat espetxetan egona da, eta haren lagunek eskatu dute Frantziako espetxeetan egindako urteak ere konta diezazkiotela; «horrela, datorren urtean libre egon beharko luke».