Haurreskola Urumea Berrin egingo da, EH Bildu eta PSE-EEren botuekin

Haurreskola berriak badu kokalekua: Urumea Berri. EH Bilduk aurkeztu zuen la­run­bateko Plenoan, ‘Astigar­ta­rren etorkizunaren aldeko hainbat ekimen bideratzeko’ mozioan. Mozio horretako lau puntuetako batean, EH Bilduk eskatu zuen Urumea Berrin Udalak jasoko duen 800m2 inguruko lo­kalean haurreskola behin be­tikoz ko­ka­tzea, 2018an martxan izan da­din. Mozioa PSE-EE al­derdiaren aldeko botoarekin onartu zen. Mikel Duranen esanetan proiektu estrategikoa da haurreskolarena: «Uru­mea Be­rri­ra bikote gazte asko etorri di­ra bizitzera, eta gehiago etorriko dira. Hau­rres­kola bertan jar­tzea egokia iruditzen zai­gu, ko­ka­penaz gain, behe so­lai­ru bat­ean egongo delako, horrek di­tuen onurekin. Gai­ne­­ra, exekuzio fetxa dauka: 2018rako egingo litzateke». EAJk mozioa puntuz pun­tu bozkatzea eskatu zuen, eta haurreskolaren puntu honetan, kontra bozkatu zuen. Go­bernu Taldeko kideek ere es­trategikoa zela esan zuten, bai­na kokalekuarekin ez zetozen guztiz bat: «benetako be­ha­rra zein den aztertu behar da, eta azken urteetako joerak erakusten du eskaera gutxitu egin dela. Gainera ez dago txostenik». Era berean gogoratu zuten, Gobernu Tal­dea­ren proposamenetako bat dela, egungo kultur etxean jar­tzea haurreskola, besteak beste, herriko zerbitzu guztiak leku be­rean ez kontzentratzeko. Ple­no­ra gerturatu ziren herritarrek, kasu honetan haurreskolako erabil­tzaileek, aipatu zuten egungo Kultur Etxeak izan di­tzakeen barrerak: «leku oso politean dago, baina nola igo ume-sillarekin hara? Zenbate­rai­no­ko obra egin beharko litzateke eraikina egokitzeko? Haurres­kola behe solairu batean egiteko aukera izanda, zergatik egin bi pisutan? Eta larrialdirik balego?». EH Bil­duko boze­ra­maileak ere hartu zuen hitza: «Gobernu Taldeak emandako eskaera datuak beste modu batera ere interpretatu daitezke: galdetu egin beharko da zergatik egin duen behera... krisiarekin guraso gehiago egon daitezke etxean, lanik gabe... ordaintzeko arazoak izan di­tzakete... dena hartu beharko da kontuan... Bestalde, As­ti­ga­rragan beste 400 etxe egingo dira, eta arazoa eto­rri zain egon behar du Udal­ak?».

Udala eta San Markoren arteko hitzarmena, onartuta
Plenoan eztabaida sortu zuen bes­te puntuetako bat izan zen Uda­la eta San Markoren arteko hitzarmena, hondakin bilketari dagokionean. EAJ eta PSE-EEren aldeko botoekin onartu zen, eta EH Bilduk aurka bozkatu zuen. Eztabaida sortu zuen puntua izan zen, langileen subrogazioarena. EAJk azaldu zuen, saiakera haundia egin duela hitzarmenean langileen subrogazioa biltzeko, baina legez ezin dela hori exijitu, eta ezin izan dutela hi­tzarmenean sartu. EH Bilduko Gartziak azaldu zuen, nahiz eta legez obligaziorik ez izan, Udalak erabaki hori hartu zezakeela, eta hitzarmenean sartzea eskatu; «bost langile kalean geratuko dira». Gobernu Taldeak eran­tzun zuen aldaketek ondorio ba­tzuk ekartzen dituztela, eta beraiek saiatu direla: «atez atekoa mar­txan jarri zenean ere, FCCko langileekin zer gertatu zen galdetu al du norbaitek?».

Taxi tarifak, mantendu
Taxi tarifen puntua ere, larunbateko Plenoak eztabaidatu zuen. Aurreko urteko tarifa berdinak izatea onartu zen aho batez. EH Bilduko Gartziak eskatu zion Udalari taxiekin dagoen arazoari heltzea: «hilabeteak dira herrian zerbitzua desagertua dagoela. Neurriak hartu behar dira». Gobernu Taldeak erantzun zion konpromisoa hartu dutela egoerari soluzioa lehenbailehen emateko.

Jon Arregui, alkateorde
2015eko ekainaren 13an, Udal Korporazioa osatu zenean, alkateorde bakarra izendatu zuten. Azken aldian Alkateak izan dituen osasun arazoak medio, beste alkateordea Jon Arregui izatea onartu zuen Plenoak. Era­baki horrekin lotuta, Gobernu Ba­tzordeko kideak eta eskumenak aldatuko zirela ere azaldu zen Plenoan. Alkateak adierazi zuen bere egoera medio, Jon Arregui Gobernu Batzordeetan sar­tzea erabaki dutela. EH Bil­duko Gartziak azaldu zuen, erabaki honen ondorioz EH Bilduk zinegotzi bat galdu duela Go­bernu Batzordean, 2-2-1 izatetik, 3-1-1 izatera pasako baitira. Al­­kateak azaldu zuen legeak eskatzen duela alkateordea Gobernu Batzordeko kide izatea eta hortik datorrela aldaketa.

Bederatzi mozio, onartuta
Bederatzi mozio bozkatu eta onartu zituen larunbateko Ple­noak, eta guztiak ikusgai daude www.kronika.eus orrian. Mozio horietako bat da, EH Bilduk aurkeztua, eskatuz, aldiriko trenak Astigarragan geltokia izatea. Aho batez onartu zen. Gobernu Tal­deak estrategikoa zela esan zu­en, eta lantzen ari direla.
EH Bilduk eta EAJk mozio bana aurkeztu zuten 4591/10 kereilari babesa emateko, hau da, frankismoaren biktimei zor zaien justizia egiteko bata, eta frankismoa salatzeko eta egia, justizia eta erreparazioaren alde egiteko bestea. Biak onartu ziren.
Juan Luis Agirreren lagunek aurkeztutako mozioa ere onartu zen, eta dei egin zuten igandean egingo den giza katerako.
Gure Esku Dagoko herritarrek aurkeztutako mozioaren alde egin zuen baita ere, larunbateko Plenoak.
Udal talde guztiek batera aurkeztutako bi mozio ere onartu ziren: herrian harrobi eta meategirik ez egitea eskatzen duena, eta Euskareren Egu­naren bueltakoa.
Azkenik, adierazpen instituzionala ere onartu zuen larunbateko Plenoak, Emakumeen­ga­nako Indarkeriaren Aurkako Na­­­zioarteko Egunari dagokiona.