Urtero bezala, elikagai bilketa berezia egingo du gaur eta bihar Gipuzkoako Elikagai Bankuak lurralde osoko 75 komertziotan, tartean Hernaniko hiru saltoki daude: Zinkoeneako Eroski, Dia eta Lidl. Bertan izango dira, hain zuzen, Elikagai Bankuko boluntarioak, elikagaiak jasotzen.
Behar zehatzak
Denetarik eman daiteke, baina Bankuak azaldu duenaren arabera, premia haundia daukate ondorengo elikagaiei dagokienenan: esnea, galletak, kontserbak, arroza eta pasta. Haur txikientzako produktuak ere garrantzitsuak direla jakinarazi dute. Eta ez dute gomendatzen alkoholdun edariak eta erraz galtzen diren jakiak ematea.