Lizeaga auzoaren etorkizuna diseinatzen ari dira azken hilabeteotan auzoko bizilagunak, Lizeaga 3.0 parte-hartze prozesuaren baitan. Hainbat saio egin dira horretarako, eta oraingo honetan, gazteekin bilduko dira, beraien ideiak bildu nahian.
Oraingoz, bi saio egingo dituzte; gaur izango da aurrenekoa, Gaztelekuan bertan, arratsaldeko 19:00etatik 19:30etara. Prozesuaz informatzea izango da aurreneko saioaren helburu nagusia.
Lan-saioa, datorren astean
Ondoren, datorren ostegunean izango da lan-saioa. Arratsaldeko 19:00etatik 20:00etara elkartuko dira Gaztelekuan gazteen ideiak eta ekarpenak jasotzeko.