Herri galdeketa egingo da Hernani eta Astigarragan martxoaren 19an, eta hori prestatzeko lanetan dira dagoeneko BagaGiltzako kideak. Eta horretan hasteko, bilera irekia egingo dute gaur, arratsaldeko 18:30etan, Biterin.
Besteak beste hainbat galdera landuko dituzte: Nork sortuko du galdera? Noiz hasiko dira? Nola landuko da? zein egunetan? Eta hain justu, horren guztiaren inguruan hausnartu eta eztabaidatzeko gogoz dauden herritarrak animatu dituzte bilera honetan parte hartzera.
Sinadurak biltzen, ere bai
Horrez gain, herri galdeketa aurrera eramateko, legez behar dituzten sinadurak biltzen ari dira. Herriko hainbat txokotan jarri dituzte sinatzeko mahaiak, eta gaur Txantxillan izango dira, 12:30etatik 14:00etara.
Asteko beste egunetan ere, jarriko dituzte mahaiak: bihar ferian, 11:00etatik 13:30etara, eta larunbatean, Plaza Berrin eta Etxeberrin, goizean.