Aurreko ostegunean aurkeztu zuten, Alegian, afizionatu mailako torneo garrantzitsuenetako bat: Esku Pelota Kluben arteko Txapelketa Nazionala. Eta horien artean izango da, hutsik egin gabe, Hernaniko Pelota Elkartea ere.
Asteburu honetan hasiko da txapelketa, eta bi hilabete luzez jokatuko da; urtarrilaren 28an izango da finala. Hori baino lehen, beste bost fase ere jokatu beharko dituzte.
Amurrioren kontra prebia, beraien frontoian
Eta aurreneko fasean bertan sartuko da, hain justu, Hernaniko taldea. Asteburu honetan jokatuko du txapelketako prebia, Amurrioren kontra. Beraien frontoian izango da kanporaketa, gainera; Amurrion.
Aurrera egitekotan, Txukun Lakuaren kontra jokatuko luke bigarrena; hurrengo larunbatean, azaroaren 3an, goizeko 11:00etan Zumarragan.
Amurrion jokatuko du aurreneko fasea, prebia, Hernaniko Pelota Elkarteak. Asteburu honetan izango da.
Fase bakoitzean, lau talde berri sartuko dira txapelketan, final laurdenetara arte. Guztira, 20 klubek hartuko dute parte torneoan.
Prebiakoak kenduta, hiru frontoitan jokatuko dira kanporaketa guztiak: Idiazabalen eta Zumarragan hurrengo bi faseetakoak; eta Amezketako Larrunarri frontoian final laurdenak, semifinalak eta final haundia.
Kanporaketa bakoitzean, hiru partidu jokatuko dituzte klubek: lau t’erdikoa, buruz burukoa eta binakakoa.