Euskadiko CCOO sindikatuak aditzera eman du, Gizarte Segurantzak onartu egin duela, 68 urteko hernaniar batek daukan biriketako minbizia, amiantoak eragin ziola. Eta horrekin batera, ezintasun iraunkor absolutua eman dio, «bere pentsioa modu nabarmenean haundituko duelarik».
CCOOk azaldu du, Hernaniko Scott Iberica enpresan egin zuela lan, mantenimenduko teknikari bezala, eta lan horretan, «amiantoarekin kontaktuan» egon zela.
«Amiantoarekin lanean aritu zirenak animatzen ditugu, sindikatura etortzera»
Ebazpen honekin, papergintzaren sektorean «minbizi berri bat» errekonozitu dela nabarmendu du CCOOk, eta uste du, honek balioko duela sektoreko langileak animatzeko, amiantoarekin lanean aritu zirenen Osalanen zerrendan sartzea eskatzera.
CCOOk animatu nahi ditu guztiak sindikatura gerturatzera, zerrendan sartzeko tramiteak egiteko: «horrela, osasunaren zainketa espezifikoa egin daiteke, eta gaixotasunak azkar detektatu».