LAB sindikatuak deituta, elkarretaratzea egin zuten, Foru Aldundiaren egoitzaren aurrean, Gipuzkoako autobus zerbitzuetako langileek. Eskatu zuten, autobus zerbitzuetan «kudeaketa gardena» egitea, eta murrizketarik ez.
LABek azaldu du, momentuz aldaketarik ez dela egin Hernaniri dagozkion zerbitzuetan, baina «era prebentiboan» mobilizatu direla, badakitelako «plan bat badagoela, eta horren edukia ezkutatzen ari direla. Gauza onik ez dugu espero, eta gutxiago, udaran Lasarte inguruan izandako murrizketen ondoren», salatu dute.
«Murrizketekin jarraituta, mobilizazioak eta borroka gehiago deituko ditugu»
LABek azaldu du bilera bat eskatu diotela Aldundiari, ELA eta CCOOrekin batera, baina erantzunaren zain gaude: «murrizketak inposatzen badira, mobilizazioak eta borroka gehiago deituko ditugu».