Astebururo bezala, hiru partidu jokatuko dituzte gaur Goizuetako Umore Onako pilotariek. Goizuetan bertan izanen da horietako bat, benjaminena: X. Apezetxea eta J. Salaberriak Aurrera taldeko M. Agirre eta J. Arregiren aurka jokatuko dute Nafarroako Kirol Jokoaren Txapelketa, arratsaldeko 19:00etan hasita. Aurretik, Aizkorbe eta Apezetxea gazteek San Miguelgo B. Ruiz eta Etxeberria izanen dituzte aurkari Lizarran, arratsaldeko 16:00etan. Ondoren, 17:00etan, Villabako Paz Ziganda frontoian lehiatuko da Umore Ona B Paz Zigandaren kontra.