Azkeneko txanpan sartuko da asteburu honetatik aurrera Goizuetako Azaro Kulturala. Gaur eta bihar izanen da nola gozatua, baita datorren astean ere.
Kontserba ikastaroa, gaur
Mermelada, fruta dultzea eta barazki kontserbak egiten ikasi nahi? Horretarako, eginen dute, hain zuzen, gaurko kontserba ikastaroa. Naiara Txurrukaren eskutik eginen da ikastaroa Umore Ona elkartean, goizeko 09:00etan hasita. Sarrera doan izanen da.
Plan lasaiagoa, arratsalderako
Arratsaldean, aldiz, plan lasaiagoa izanen dute goizuetarrek. Arratsaldeko 18:00etan Gutik Zura dokumentala jarriko dute, ganbaran. Zuraren eta euskal gizartearen arteko harremanen inguruko dokumentala da hau, Jon Maia zuzendariarena.
Errekaren garbiketa, bihar
Zeharo desberdina izanen da biharko plana: erreka garbiketa eginen dute auzolanean. Goizeko 09:00etan jarri dute zita herriko plazan. Parte hartu nahi duenak gaur du azkeneko eguna, Amaia Kafetegian egin ahal izanen da (948 514 242). Izena ematen duena aseguratua egonen da. Bukaeran, hamaiketakoa eginen dute boluntarioek.
AZARO KULTURALA
GAUR, larunbata
09:00-14:00, kontserba ikastaroa. Umore Ona elkartean.
18:00, ‘Gutik Zura’ dokumentala. Ganbara.
BIHAR, igandea
09:00-12:00, erreka garbiketa auzolanean.
AZAROAK 25, ostirala
18:30, emakumeenganako
indarkeriaren aurkako
kontzentrazioa.
19:00, ‘Esentzia’ liburuaren
aurkezpena. Ander Olaizola.
AZAROAK 26, larunbata
Nekazaritza produktu, artisau eta ganadu Feria.