emakumeenganako Indarkeriaren aurkako eguna da datorren ostiralean, eta horren harira, hainbat ekintza antolatu ditu Gizarte Zerbitzuen Mankomunitateak beraien herrietan, tartean Goizuetan eta Aranon.
Ostiralean bertan, hilaren 25ean, kontzentrazioa eginen da herriko plazan, arratsaldeko 18:30etan hasita. Eta astebete ondoren, abenduaren 2an, Lagun bati gertatu zitzaion... bakarrizketa eginen dute Udaletxeko ganbaran, 19:00etan. 12 urtetik gorako ikusleentzat izanen da saioa.
Egun berean, ipuin kontalaria izanen da Aranoko ganbaran, Berdintasuna maite dugulako ipuina kontatzen. Iluntzeko 20:30etan jarri dute zita 5-12 urte bitarteko haurrentzat.