Aurreko igandeko finalerdian Altuna IIIaren aurka galdu ondoren (13-22), Olaizola IIa lau t’erdiko finaletik kanpo dago. Ez du jokatuko, ezta ere, hirugarren eta laugarren postua lortzeko Urrutikoetxearen kontra gaur jokatzekoa zen partidua.
Lesioa, igandean
5garren tantutik ezkerraldeko sorbaldan mina sentitzen zuen arren, finalerdia bukatzea lortu zuen Olaizolak igandean, baina Asegarceren mediku zerbitzuko Iñigo Simon doktoreak jakinarazi duenez, «geldirik egon behar du datozen asteetan, baita fisioterapia saioak egin ere». Beraz, oraingoz, ezin izango du Urrutikoetxearen aurkako partidua jokatu.