Urtea modu berezian bukatzeko plana luzatu du laugarren urtez CD Hernaniko atletismo sailak Hernani Wukrorekin taldearen eta Hernaniko Udalaren laguntzaz. Hernaniko San Silbestrearen laugarren edizioa izango da aurten, eta izena emateko epea dagoeneko zabaldu dute. www.kirolprobak.com web orriaren bitartez egingo da izenematea, eta 7 euro ordainduko ditu korrikalari bakoitzak.
Kirol Probak web orrian eman daiteke izena.
Lau kilometroko zirkuitua
Urtero bezala, arratsaldeko 18:00etan Plazatik aterata, lau kilometroko zirkuitua osatu beharko dute partehartzaileek, Hernaniko kaleetan zehar.
2012 urtetik, Wukroren aldeko lasterketa
2012tik, lasterketa ezagunaren Hernaniko bertsioa sortu zenetik, ez du kutsu solidarioa galdu, eta beti bezala, Etiopian dagoen Wukro herriaren aldeko lasterketa izango da aurten ere.