Erronka zaila aurten, Fortunarekin batera, Euskal Herriko Ligatan

Waterpolorik ez du ikusiko Hernanik, denboraldi hone­tan. Kiroldegiko obrak tarteko, eta aurreko den­boraldiko tal­de­etan baja batzuk izan di­re­nez, Hernaniko talderik ez da izango aurten. Jokalari hernaniarrek, or­dea, ez diote utzi waterpoloan aritzeari. Eta igerileku faltari eta bajei aurre egiteko, Fortu­narekin egin dute akordioa: talde donostiarrean ari dira hernaniarrak, dagoeneko mar­­txan den denboraldi ho­ne­tan.

Euskal Herriko Ligan, seniorren bi talde eta jubenilak
Hiru talde diferentetan ariko dira hernaniarrak, Fortuna­re­kin; guztiak, mutilen talde­ak. Hiru edo lau neska aritu izan dira mutilekin entrenatzen, «baina zoritxarrez, orain dela hiru urtetik ez daukagu ema­kumezko talderik», azaldu du Jon Ander Izuzkizak.
Mutilek bakarrik izango dute lehia­tzeko aukera, beraz. Seniorrek, Euskal Herriko lehe­nengo eta bi­garren mai­le­tan joka­tu­ko dute; eta jube­nilak ere, Euskal Herrikoan ariko dira, jubenil mailan: «agian, seniorrekin ere joka­tuko dute partiduren bat».

Hasiera oso gogorra, talde guztiek
Irailean hasi zituzten entre­namenduak, eta urrian ekin zieten txapelketei. Seniorren lehenengo mailan, garbi zeu­katen helburua hernania­rrek: «Fortunako taldeari aha­lik eta gehien laguntzea». Eta guztien artean, bazuten espe­rantza, Liga Nazionalerako igoera fasean sartzeko.
Denboraldi hasiera, ordea, espero baino kaxkarragoa izan da, eta momentuz, beste helburu batzuei heldu behar­ko diete. Izan ere, jokatutako sei partiduak galdu dituzte, eta sailkapenaren azkeneko postuan daude. Horri buelta emateko, irabazten hasi beha­rra daukate.
Egoera berdinean dago, bigarren mailako taldea ere. Bost partidu jokatu badituzte, bostak galdu dituzte Fortuna-Hernani taldekoek, eta itxura dauka, denboraldi zaila izan­go dela beraientzat.
Eta ez daude hobeto jube­ni­lak: jokatutako biak galdu dituzte. «Beraien hel­burua izango da, hobetzen joatea, eta ahalik eta partidu gehien irabaztea», diote. Presiorik ez, beraz, herriko gazteentzat.

«Talde sendoa da Fortuna, eta beraien alturan jarri beharko dugu»
Fortunarekin jokatzea, auke­ra polita izan da jokalari her­naniarrentzat: «talde sendoa da Fortuna, eta oso moti­ba­tu­ta gaude, beraiekin jokatzeak dakarren erronkarekin».
Hori bai, garbi daukate, talde indartsua izanik, «bera­ien alturan» jarri beharra dau­katela, eta talde alda­ke­tak egokitze prozesu bat es­ka­tuko duela: «jolasteko beste modu batera moldatu beharko gara, eta hori izango da gure zail­ta­suna», dio Izuzkizak.
Sistema aldaketa, talde­ki­deak ez ezagutzea, igerileku desberdin batean jokatzea... Oztopo gehigarri bat izango da hernaniarrentzat, denbo­ral­dian zehar gaindituko du­tena, pixkanaka hobeto ari­tze­ko. Orain arte, elkarrekin aritu izan dira beraien arte­an, Hernaniko taldean. Baina taldekide berriak bakarrik ez, beste dena ere izan da berria, herriko jokalarientzat.

Harrobia lantzen jarraitzeko, zailtasunak
Emakumezkoen talde bat iza­teko zailtasunaz aparte, harrobia mantentzeko ere ez dauka erraza, Hernaniko wa­terpoloak: «jarraituko dugu harrobiko jendea edukitzen, baina igerilekuko obrak dire­la eta, zailagoa izango da ha­rro­biko jokalari gehiago lor­tzea. Hala ere, saiatuko gara, nolabait, jendeak waterpoloa probatu dezan», aurreratu dute hernaniarrek. Izan ere, beti dauzkate ate­­ak zabalik, taldean sartu edo waterpoloa probatu nahi du­ten guztientzat: «taldea ez da inoiz ixten, beti dago tokia pro­batu nahi duten herritar guztientzat».