Seigarrenez ospatuko dute, gaur eta bihar, Euskadiko Kirolaren Biltzarra. Eta aurten, Hernanin eta Donostian egingo dute; zehazki, Oronaren Galarretako egoitzan, eta Koldo Mitxelena kulturgunean.
Kirolaren arloko hainbat aditu etorriko dira, eta kirolak daukan zeharkako balioaz hitz egingo dute. Jardunaldiak antolatu dituzte Hernaniko Udalak, Donostiako Udalak, Kaitek, Gipuzkoako Foru Aldundiak, Euskal Herriko Unibertsitateak eta Eusko Jaurlaritzak.
Hiru multzo, aztergai
Oronan bertan izango dira ekitaldi gehienak; zehazki, gaur goizeko eta arratsaldekoak, eta bihar goizekoak. Bihar arratsaldekoak soilik egingo dituzte Koldo Mitxelenan, jardunaldiei itxiera emateko.
Kirolaren arloko hainbat aditu etorriko dira, kirolaren zehar balioz hitz egitera.
Hitzaldiak, hiru bloke edo multzotan banatuko dituzte. Aurrenekoan, kirolaren arloko prestakuntzaz ariko dira; bigarrenean, gizarte kirolaz eta kiroldutako gizarteaz; eta hirugarrenean, kirolaren arloko politikez eta kudeaketaz.
Jardunaldien inaugurazio ekitaldia, Luis Intxauspe Hernaniko alkateak ere hitz egingo du.
Bertaratzeko, aurrez izena eman beharra
Jardunaldietan parte hartzea, 40 euro dira, eta aurrez eman behar da izena. Internet bidezkoa da, Kiroleskolaren web orrian: www.kiroleskola.net. Informazio gehiago lortzeko: www.kait-kirola.org.
EUSKADIKO KIROLAREN VI. BILTZARRA, Orona Fundazioaren egoitzan
GAUR, osteguna
09:00, Partehartzaileen helduera.
09:30, Biltzarraren inaugurazioa eta hasiera.
Prestakuntza eta kirola
10:00, Guillem Turró i Ortega: Kirolaren hezkuntza-gaitasuna.
10:50, Xabier Mendoza Mitxelena: Gorputz hezkuntzaren atzokoa, gaurkoa eta biharkoa, Euskadin.
11:20, Luis Mari Zulaika Isasti: Eskola kirola. 25 urte eta gero hau.
11:40, Tomás Fernando Ruiz Pérez: Profesionalak eta kirola.
12:00, Eztabaida, mahai ingurua.
12:30, Atsedena.
12:45, Lehenengo blokearen komunikazioen aurkezpena, eta bigarrenaren esperientziak.
13:50, Lan bazkaria eta eztabaida.
15:00, Atsedena.
Kirol soziala eta gizarte kiroldua
15:30, Roberto San Salvador: Kirola 360º. Kirola, gorantz doan gizarte bateko testuinguruan.
16:40, Juan Aldaz: Errepikatze soziala vs. Aldaketa soziala, kirolean eta kirolaren bidez. Egungo egitura instituzionalaren azterketa kritikoa, edo nola doaz galderak erantzunak baino azkarrago.
17:00, Imanol Ibarrondo: Baloreak ez ditu kirolak berak.
17:20, Ainhoa Azurmendi/Matxalen Laskibar: Kirolean, berdintasun formaletik benetako berdintasunera pasatzeko dauden erresistentziak.
17:40, Eztabaida, mahai ingurua.
18:00, Atsedena.
18:15, Bigarren blokearen komunikazioen aurkezpena eta hirugarrenaren esperientziak.
18:00, Jardunaldiaren itxiera.
BIHAR, ostirala
Kirolaren politikak eta kudeaketa
09:30, Nuria Puig: Kirola bidegurutzean.
10:20, Mari Jose Pedrosa: Zer nolako kirol-politikak, egokitzapenerako erronken aurrean?
10:45, Kirol egituratua Euskadin eta kudeaketarako gakoak.
11:10, Fitness arloko operadore pribatuen estrategiak, gaur egunekoak eta etorkizunekoak.
12:00, Eztabaida, mahai ingurua.
12:30, Atsedena.
12:45, Hirugarren blokearen komunikazioen aurkezpena eta lehenengoaren esperientziak.
13:50, Lan bazkaria. Hitzaldia, Luis Solarrek: Kirol kudeatzailea.
16:00, Atsedena.