Gaur bukatuko da azaroko antzerki zikloa, Biterin, hirugarren eta azken emanaldiarekin: Mami Lebrun antzezlana eskainiko dute, iluntzeko 20:00etatik aurrera. Hernaniar bat ere bada antzezleen artean: Ainara Ortega.
Oraindik gelditzen dira sarrera batzuk, eta 7 euroan daude salgai, Biterin bertan.
Antzezlanean, amona hil berriaren omenaldia prestatuko dute Egoitzek eta Mirenek, eta amonaren gaztetako egunerokoak hartuko dituzte oinarri, Parisen bizitako istorio bat kontatzeko. Baina besterik ere izango da; Mirenek Egoitzi kontatu ez dion sekretu bat...
Antzerki eta kontzertu gehiago, datozen egunetan
Udazkeneko programazioarekin aurrera, emanaldi gehiago ere izango dira datozen egunetan, eta guztietarako sarrerak, salgai daude dagoeneko.
Max txikia izango da etzi, 11:00etan eta 12:15etan, eta Mari Kixkur eta hiru hartzak azaroaren 26an, 12:00etan; biak dira haurrentzako antzezlanak, eta 2,7 euroan daude sarrerak.
Gaur zortzi, berriz, kontzertua eskainiko du Xarnege taldeak, 20:00etan. Sarrerak, 7 euroan daude salgai.