Ostiralean bukatuko da aurtengo Inmigrazinea, eta modurik onenean emango diote bukaera. Exit, un corto a la carta emanaldia eskainiko dute, arratsaldeko 19:00etatik aurrera; Biterin izango da, eta ez Sandiusterrin, aurrekoak bezala. Izan ere, saio berezia izango da, ikusleekin interakzioa bilatuko duena: pelikulan, film labur batzuk aurkeztuko dira, eta publikoak aukeratuko du nola jarraituko duten, eta zein bukaera izango duten.
Alegia, protagonistari galdera batzuk sortuko zaizkio, eta ikusleen erantzunaren arabera hartuko ditu erabakiak. Kamarari begiratu, eta galdetuko du: zuk zer egingo zenuke?
Guztira, 15 film laburrek osatzen dute pelikula, eta ikusleek, zortzi «ibilbide bital» desberdin aukeratu ahal izango dituzte.