Euskal musikaren eta dantzaren historiaz, hitzaldia Pello Zabalak gaur

Pello Zabala etorriko da gaur Biterira, euskal musikaren eta dantzaren historiaz hitz egite­ra, Hernani Errotzenek anto­la­tuta. Arratsaldeko 19:30etan hasita, hitzaldia eskainiko du: Euskal musika eta dantza mun­­duan zehar.
Bertan azalduko du Zaba­lak, zer nolako ekarpena egin dion euskal kulturak, mun­du­ko musika eta dantzari. Izan ere, «Europa mailan ere, oso potenteak izan dira euskal mu­­si­ka eta dantza», nabar­mendu du berak: «gertatzen dena da, Espainiak oso tapa­tu­ta eta ezkutuan eduki izan duela, eta ematen du ez ze­go­e­la; baina egon, bazegoen, eta oso aberatsa gainera».

Iruñatik, Parisko balletera
Historia horretan, hainbat kon­tu aipatuko ditu Zabalak, na­barmentzekoak direnak: «adi­bi­dez, Parisko balletean, aurre­neko dantzariak Iruñatik joan­dakoak izan zirela. Edota par­ti­tura musikaletako puntilloa, Iruñan asmatu zutela», aurre­ratu du hizlariak.