Gipuzkoako Txapelketako bi final jokatu zituzten aurreko asteburuan lau pelotari hernaniarrek: Xabier Salaberria eta Oihan Zugastik, kadete mailan, eta Paul Ojuel eta Ioritz Arrietak, seniorretan. Eta, nahiz eta finaleraino iritsi, bi bikoteek galdu egin zuten: 22-15 galdu zuten Salaberria eta Zugastik Oiarpe taldeko Aburuza eta Salaberriaren kontra; 22-16 egin zuten Ojuel eta Arrietak, Pagazpeko Santxo eta Gorrotxategiren aurka. Dena den, CD Hernaniko pelota saila pozik agertu da: «nahiz eta bi partiduak galdu, joan den asteburu honetan txapelketa probintziala jokatu duten lau pelotariek mugarri bat jarri dute Hernaniko pelotaren historian».