Udaberrirako antolatuko du BagaGiltza herri plataformak, erabakitze eskubideari buruzko herri galdeketa, As­ti­­ga­rragan eta Hernanin. Eta­ ordurako motorrak bero­tzen hasteko, Udaberri Festa antolatu dute gaurko. Her­nanin burutuko dute, Atse­gin­degin, 16:30etatik aurrera. Ekintza desberdinak egiteaz gain, ekitaldi nagusia ere izango da, eta bertan iragarriko dute herri galdeketaren data. Sinadura-bilketa ere, orduan hasiko dute. 

Aurretik zita, Joseba Barandiaran plazan
Hernanin elkartuko dira gaur arratsaldean, astigartar eta her­naniarrak, erabakitzeko es­kubidearen alde; baina ho­rren aurretik, topatzeko zi­ta ja­rri du Astigarragako Ba­ga­Gil­tzak. Arratsaldeko 15:30e­tan aterako dira Joseba Ba­ran­diaran plazatik, eta pandero-jole, trikitilari eta dul­tzaineroen laguntzaz abiatuko dira Hernanirantz, oinez (eu­ria egiten badu, autobusez jo­an­go dira).
Ergobian egingo dute geldialditxoa; bertakoak jaso, eta Hernanirako bidearekin jarraituko dute, ondoren.
Atsegindegira iristen direnean, 16:30ak pasata, ongietorri berezia egingo diete hernaniarrek astigartarrei. 

500 sinadura behar, herri galdeketa antolatzeko
Herri galdeketa antolatzeko, he­­rri bakoitzaren erroldaren %10a­ren babesa lortu beharko du BagaGiltza plataformak, hau da, 500 sinadura be­­harko dira Astigarragan eta 1.700, Hernanin. Horre­tarako, sinadura-bilketa ha­si­ko du taldeak gaurko Uda­berri Fes­tan. Eta hasiera pixka bat girotzeko, apustua egin nahi izan diote beraien buruari: baietz Udaberri Fes­taren aurreneko asteburu ho­netan 100 sinadura bildu!
Horrez gain, datozen asteetan ere mahaiak jarriko di­tuzte sinadurak biltzeko: etzi anbulategian izango dira, 10:00etatik 12:00etara; ostegunean, pintxopotean, 19:00­e­ta­tik 21:00etara, eta datorren igandean, hilaren 20an, Joseba Barandiaran plazan, 12:00e­ta­tik 14:00etara. 

Babesa, udalak

Mozioa aurkeztu zuen Uda­lean taldeak Ba­gagil­tza Asti­garraga-Her­­­­­­nani pro­zesuari buruz. EAJ eta EH Bildu udal taldeak prozesuaren alde agertu di­ra; PSE-EEk, aldiz, ez du oz­toporik jarri. Berria pozgarritzat hartu du taldeak: «Erabakitzeko eskubidearen alde ari gara lanean, he­rritarron garaia da, he­rri­tar guztiona. Emai­tzak emaitza, 2017ko herri-gal­de­ketaren arrakastaren ga­koa jendearen partehartze anitzean dago».