Aizkorbe eta Apezetxea txapeldun joan den asteburuan; hitzordu berriak honetan

Goizuetako pilotariak ez daude atsedena hartzeko prest. Joan den astean bi txapel berrirekin itzuli ziren herrira Aitor Aizkorbe eta Antton Apezetxea; kadetetan, 18-14 irabazi zuten Oberenako Mata eta Santamariaren kontra. Nafar jokotan ere, ederki aritu ziren Apezetxea eta Etxeberria alebinak; 18-7 irabazi zuten Txarutako Iturregi eta Iturralden aurka. Benjaminetan, M. Salaberria eta X. Apezetxeak berriz, ezin izan zuten Irurtzuneko Lasko eta Amianoren kontra: 7-18. Alebinetan, etxea jokatu zuten Legarreta eta Elizegik, eta 18-3 nagusitu ziren Errekako Ilarregi eta Oyarzabalen kontra. Azkenik, Egian Andoni Alvarez txapelketako finala jokatu zuen Atton Apezetxeak; Alberdirekin 9-22 galdu zuten Exposito eta Arangurenen kontra.
Asteburu honetan ere badituzte hitzorduak Goizuetako pilotariek. Nafar Jokoetan, Betelun, gaur, 16:30etan, M. Salaberriak eta J. Salaberriak, Araxeseko Zubillaga eta Otamendiren kontra jokatuko dute. Elizondon, Udaberri Txapelketako partidua izango dute bihar, 10:00etan, Oihan Etxeberria eta Beñat Apezetxeak; Baños de Rio Tobiako Olave eta Camporen kontra jokatuko dute.