Denboraldiko partidu guztiak irabazita iritsiko da Mundarroko nesken taldea Urretxura. AYMA Goierri taldearen kontra neurtuko ditu indarrak gaur, arratsaldeko 18:00etatik aurrera, Aldiri kiroldegian. Aurkaria sailkapeneko azkeneko postuan dagoela aprobetxatu eta lidergoari eustea izango da Mundarroko nesken helburua. Horretarako, irabazteak lagunduko die.
Mutilak, Hernanin
Irabaztea beharrezkoa daukate, ordea, mutilek, sailkapenaren erdialdean egonkortu nahi badu. Hernanin izango dute gaur aukera hori, bertan jokatuko baitute, arratsaldeko 16:45etan hasita.